బ్రేకింగ్
ఆంధ్రప్రదేశ్లో అంతర్జాతీయ యోగా దినోత్సవ వేడుకలను ఈ ఏడాది ‘యోగాంధ్ర-2026’ పేరుతో అత్యంత ప్రతిష్టాత్మకంగా, రికార్డు స్థాయిలో నిర్వహించేందుకు కూటమి ప్రభుత్వం భారీ ఏర్పాట్లు చేస్తోంది
ఆంధ్రప్రదేశ్లో అంతర్జాతీయ యోగా దినోత్సవ వేడుకలను ఈ ఏడాది ‘యోగాంధ్ర-2026’ పేరుతో అత్యంత ప్రతిష్టాత్మకంగా, రికార్డు స్థాయిలో నిర్వహించేందుకు కూటమి ప్రభుత్వం భారీ ఏర్పాట్లు చేస్తోంది. 'యోగా ఫర్ హెల్తీ ఏజింగ్ (Yoga for Healthy Aging)' అనే విశిష్ట నినాదంతో ప్రజల్లో ఆరోగ్యంపై అవగాహన పెంచడమే లక్ష్యంగా ఈ వినూత్న కార్యక్రమాన్ని డిజైన్ చేసినట్లు రాష్ట్ర వైద్య, ఆరోగ్య శాఖ మంత్రి శ్రీ సత్యకుమార్ యాదవ్ వెల్లడించారు. కేవలం ఒక రోజు వేడుకగా కాకుండా, యోగాను ప్రతి ఒక్కరి దైనందిన జీవితంలో భాగం చేయాలనే సంకల్పంతో జూన్ 7 నుండి జూన్ 20 వరకు రెండు వారాల పాటు రాష్ట్రవ్యాప్తంగా విస్తృతంగా అవగాహన కార్యక్రమాలు మరియు యోగా ప్రచారం నిర్వహిస్తున్నట్లు ఆయన స్పష్టం చేశారు. ఈ బృహత్తర యజ్ఞంలో రైతులు, మహిళా సంఘాలు, విద్యార్థులు, వివిధ అసోసియేషన్ల సభ్యులతో కలిపి దాదాపు కోటి మందిని భాగస్వాములను చేయాలని ప్రభుత్వం లక్ష్యంగా పెట్టుకుంది.
జూన్ 21న అంతర్జాతీయ యోగా దినోత్సవం నాడు రాజధాని అమరావతిలోని కృష్ణా నది వంతెన (వెస్ట్రన్ బైపాస్ రోడ్)పై రాష్ట్ర స్థాయి ప్రధాన కార్యక్రమం అట్టహాసంగా జరగనుంది. ముఖ్యమంత్రి శ్రీ నారా చంద్రబాబు నాయుడు ముఖ్య అతిథిగా పాల్గొనే ఈ మహా ప్రదర్శనలో ఏకంగా 25 వేల మంది ఏకకాలంలో యోగాసనాలు వేయనున్నారు. అదే రోజు అన్ని జిల్లా కేంద్రాల్లో సుమారు 3 వేల మందితో, గ్రామ/వార్డు సచివాలయాల పరిధిలోని పార్కులు, పాఠశాలల్లో భారీ ఎత్తున ముగింపు వేడుకలు జరుగుతాయి. గతేడాది నిర్వహించిన కార్యక్రమాలకు 2 గిన్నిస్ బుక్ రికార్డులు, 21 వరల్డ్ బుక్ ఆఫ్ రికార్డులతో పాటు స్కోచ్ అవార్డు దక్కిన విషయాన్ని మంత్రి గుర్తుచేశారు. ఈ ఏడాది 10 లక్షల మంది నిత్య సాధకులను తయారు చేయడమే ధ్యేయంగా, పాత శిక్షకులకు అదనంగా మరో లక్ష మందిని చేర్చి మొత్తం 2.5 లక్షల మంది శిక్షకులతో శిక్షణ ఇవ్వనున్నారు.
యోగాసనాల ప్రాధాన్యతను నిరంతరం పర్యవేక్షించేందుకు వీలుగా ‘ఏపీ యోగా ప్రచార పరిషత్’ ఏర్పాటు ప్రతిపాదనకు సీఎం చంద్రబాబు ఆమోదముద్ర వేశారని, త్వరలోనే ఆర్థిక శాఖ నుంచి ఉత్తర్వులు వెలువడనున్నాయని మంత్రి తెలిపారు. ఈ పరిషత్ కింద 3 ప్రాంతీయ కార్యాలయాలు ఏర్పాటవుతాయి. కాగా, విద్యార్థి దశ నుంచే యోగాపై అవగాహన కల్పించేందుకు వీలుగా విద్యాశాఖ మంత్రి శ్రీ నారా లోకేష్ ఇప్పటికే పాఠశాలల బోధనలో యోగాను అంతర్భాగం చేస్తూ ఉత్తర్వులు జారీ చేశారని సత్యకుమార్ యాదవ్ కొనియాడారు. రాష్ట్రవ్యాప్తంగా జరిగే ఈ భారీ ఏర్పాట్ల సమన్వయం మరియు పర్యవేక్షణ కోసం మంగళగిరిలోని APIIC కార్యాలయంలో ప్రత్యేకంగా ఒక ‘వార్ రూం’ ను ఏర్పాటు చేస్తున్నట్లు ప్రకటించారు.
ఆంధ్రప్రదేశ్, తెలంగాణ, భారతదేశం మరియు ప్రపంచం నుండి తాజా వార్తలు.
18 May 2026
అమరావతిని ప్రపంచ స్థాయి రాజధానిగా అభివృద్ధి చేసేందుకు ముఖ్యమంత్రి నారా చంద్రబాబు నాయుడు దశలవారీ ప్రణాళికను ప్రకటించారు.
18 May 2026
రాష్ట్రంలోని 28 జిల్లాల్లో 28 ప్రత్యేక థీమ్లతో ఈ కార్యక్రమాలు జరగనున్నాయి. ముఖ్యంగా:
దీనితో పాటు, ప్రతి జిల్లాలోని రెండు ప్రముఖ పర్యాటక ప్రాంతాల చొప్పున (మొత్తం 56 ప్రాంతాలు) యోగా ప్రదర్శనలు ఉంటాయి. జూన్ 7న ప్రారంభ కార్యక్రమాన్ని శ్రీ సత్యసాయి జిల్లాలోని చారిత్రక ప్రాంతం లేపాక్షిలో నిర్వహించనున్నారు. గుంటూరులోని ఉండవల్లి గుహలు, నంద్యాలలోని శ్రీశైలం, నెల్లూరులోని మైపాడు బీచ్ వంటి ప్రముఖ కేంద్రాల్లో నిత్యం కనీసం 500 మందితో ఈ వేడుకలు నిర్వహిస్తారు.
జూన్ 7 నుంచి 20 వరకు వివిధ విభాగాలుగా (వ్యక్తిగత, బృంద, క్విజ్ మరియు వ్యాసరచన) 4 స్థాయిల్లో యోగా పోటీలను ప్రభుత్వం నిర్వహిస్తోంది.
ఈ పోటీల్లో ప్రతిభ కనబరిచిన విజేతలకు బహుమతులు అందజేయడమే కాకుండా, అమరావతిలో సీఎం పాల్గొనే ప్రధాన వేడుకకు ప్రత్యేక ఆహ్వానం అందిస్తారు.
ప్రజలు సులువుగా యోగా నేర్చుకునేందుకు వీలుగా ప్రభుత్వ సలహాదారు డాక్టర్ మంతెన సత్యనారాయణ రాజు 4 కేటగిరీలలో రూపొందించిన ప్రత్యేక వీడియోలను (90 సాధారణ ఆసనాలు, 21 రోగ నివారణ ఆసనాలు, 7 రోజువారీ సాధన సెట్లు మరియు 50 సందేహాల నివృత్తి వీడియోలు) ఉచితంగా అందుబాటులోకి తెచ్చారు. ప్రజలు 8142404888 నెంబరుకు వాట్సప్లో 'Hi' అని టైపు చేయడం ద్వారా లేదా ప్రభుత్వం తీసుకువస్తున్న ‘సంజీవని’ యాప్ ద్వారా ఈ వీడియోలను ఉచితంగా డౌన్లోడ్ చేసుకోవచ్చని అధికారులు వెల్లడించారు.
18 May 2026
RINL వ్యూహాత్మక విక్రయాన్ని వ్యతిరేకిస్తూ ఆంధ్రప్రదేశ్ క్యాబినెట్ ఏకగ్రీవ తీర్మానం చేసింది.
18 May 2026
