బ్రేకింగ్
ఉప ముఖ్యమంత్రి పవన్‌ కల్యాణ్‌, అనా కొణిదెల పరస్పర అంగీకారంతో విడిపోవాలని నిర్ణయించారు. పిల్లల సంక్షేమమే తమ తొలి ప్రాధాన్యమని ఉమ్మడి ప్రకటన విడుదల చేశారు.
పవన్‌ కల్యాణ్‌ మూడో వైవాహిక బంధానికి ముగింపు
పరస్పర అంగీకారంతో విడిపోవాలని నిర్ణయం
పిల్లల సంక్షేమమే తమ తొలి ప్రాధాన్యమని ఉమ్మడి ప్రకటన
ఉప ముఖ్యమంత్రి, జనసేన అధినేత పవన్‌ కల్యాణ్‌, ఆయన సతీమణి అనా కొణిదెల తమ వైవాహిక బంధానికి ముగింపు పలకాలని నిర్ణయించుకున్నారు. పరస్పర అంగీకారం, అవగాహనతో విడిపోతున్నట్లు సోమవారం రాత్రి ఉమ్మడి ప్రకటన విడుదల చేశారు.
తమ జీవితంలో ఎంతో ముఖ్యమైన సమయాన్ని కలిసి గడిపిన అనంతరం ఈ నిర్ణయానికి వచ్చినట్లు వెల్లడించారు. వైవాహిక జీవితం ముగిసినా మంచి స్నేహితులుగా కొనసాగుతామని స్పష్టం చేశారు. తమ పిల్లల సంతోషం, శ్రేయస్సు ఎల్లప్పుడూ ఉమ్మడి ప్రాధాన్యంగా ఉంటాయని పేర్కొన్నారు. బాధ్యతాయుతమైన తల్లిదండ్రులుగా పిల్లల బాగోగులు చూసుకుంటామని తెలిపారు.
ఈ క్లిష్ట సమయంలో తమ పరిస్థితిని అర్థం చేసుకుని, సానుభూతితో వ్యవహరించాలని కోరారు. వ్యక్తిగత గోప్యతను గౌరవించాలని విజ్ఞప్తి చేశారు. తమ ప్రయాణంలో ఇన్నాళ్లూ అండగా నిలిచిన ప్రతి ఒక్కరికీ కృతజ్ఞతలు తెలిపారు.
